Ginsiguro sang Department of Social Welfare and Development (DSWD) ang pagpadayon nga pagtutok sini sa sitwasyon sang mga mangingisda nga naapektuhan sang nag-awas nga langis nagikan sa naubon nga MT Teranova.
Suno sa ahensya, naglab-ot na sa 33,300 nga Family Food Packs (FFPs) ang ila napanagtag sa mga biktima kun sa diin una na nga natumod sang lokal nga gobyerno.
Pila sa mga nauna na nga nahatagan amu ang mga mangingisda sa probinsya sang Cavite kag Bataan nga pinaka-apektado sang oil spill.
Ang nasambit nga bulig, separado pa sa ginhatag sang mga lokal nga gobyerno kag Department of Agriculture-Bureau of Fisheries and Aquatic Resources.
Magluwas sa mga nahatag nga food packs, ginsiguro man sang ahensya nga may yara pa sang mga naka-preposisyon sa mga lokal nga gobyerno nga preparado na nga ipanagtag sa mga biktima.
