Numero sang mga naaresto nga mga indibidwal nga nagapatigayon sang iligal nga sugal sa probinsya, padayon nga nagasaka-CPPO

ROXAS CITY – Padayon sa gihapon ang pagsaka sang numero sang mga na-aresto nga mga indibidwal sa ginapatigayon nga kampanya sang mga kapulisan batuk sa illegal gambling ukon iligal nga sugal sa probinsya sang Capiz.

Ba-se sa napagkit nga rekord sang Capiz Police Provincial Office (CPPO) nga naglab-ot sa 15 ka mga indibidwal ang na-aresto sa kaso nga paglapas sa Presidential Decree 1602 ukon anti illegal gambling law.

Samtang, may anum naman ka mga indibidwal ang ginpasakaan sang kaso nga paglapas sa nasambit nga layi sa mga kabanwahanan.

Sa karon, padayon  sa gihapon ang kampanya sang mga kapulisan batuk sa mga nagapatigayon sang illegal gambling ukon iligal nga sugal sa probinsya.