Numero sang mga nagbakal sang salakyan sang Enero, nagnubo

Nagnubo ang numero sang mga tawo nga nagbakal sang mga salakyan sang nagligad nga Enero.

Suno sa Chamber of Automotive Manufacturers of the Philippines Inc. (Campi) kag Truck Manufacturers Association, naglab-ot sa 35,053 ka units ang nabaligya.

Mas manubo ini sang 26 percent kumpara sa bulan sang Disyembre nga may yara sang 47,371 ka units.

Suno kay Campi President Jose Maria Atienza, isa sa mga rason sang pagnubo bangud nagadamo ang nagabakal sang electric vehicles..

Matandaan nga sang Enero, may yara sang 2,610 ka mga units sang electric vehicles, nga mas mataas sang 63.1 percent sa amo man nga bulan sang nagligad nga tuig nga may yara lamang sang 1,600 ka mga units.