Indi magnubo sa tatlo ka mga indibidwal ang ginreport nga napatay sa Davao Region kag Soccsksargen bangud sa epekto sang bagyo Kiyapo kag Habagat.
Apang suno sa National Disaster Risk Reduction and Management Council (NDRRMC), gina-verify pa ang nasambit nga report.
Samtang isa naman ang ginreport nga missing sa Soccsksargen.
Naglab-ot na sa masobra 193,000 ka mga indibidwal, ukon kapin sa 41,000 ka mga pamilya, ang apektado sang mabaskog nga pag-ulan kag pagbaha tuga sang malain nga panahon.
Sa sini nga numero, masobra 9,000 ka mga tawo ang temporaryo nga nagatiner sa subong sa mga evacuation centers para sa ila kaluwasan.
Apisar nga yara na sa guwa sang Philippine Area of Responsibility (PAR) ang Bagyo Kiyapo, padayon ini nga ginabantayan sang mga otoridad bangud sarang pa sini mapabaskug ang Habagat nga nagadala sang mabaskog nga pag-ulan sa pila ka bahin sang pungsod.
