Nagsaka na sa 68 ang kumpirmado nga napatay isa ka semana matapos nga nagluntad ang magnitude 7.8 nga linog sa Mindanao.
Santo sa datus sang National Disaster Risk Reduction and Management Council, yara na masobra 330,000 ka pamilya ukon masobra 1.3 million ka mga indibidwal ang apektado.
Sa nasambit nga numero, masobra 4,400 ka mga pamilya ukon masobra 18,000 ka mga indibidwal ang temporaryo nga nagatiner sa mga evacuation centers.
Masobra 67,000 ka mga pamalay ang nahalitan sa Region 9, Region 11, Region 12 kag Bangsamoro Autonomous Region in Muslim Mindanao (BARMM).
Sa amo nga numero, yara sa halos 12,000 ka mga puluy-an ang naguba samtang masobra 55,000 naman ang partially damaged.
Base man sa damage assessment sa imprastraktura tuga sang linog, nagtaas na sa masobra P148 million balor sang kahalitan.
Samtang padayon naman ang paghatag sang bulig sang gobyerno sa mga apektado sang linog.
