Numero sang mga napatay sa linog sa Colombia, naglab-ot na sa 82

Naglab-ot na sa 82 ka tawo ang napatay matapos ang magnitude 7.4 nga linog nga nag-igo sa Western Colombia.

Pinakadamo ang fatalities ang yara sa Risaralda nga ginreport nga may kapin 40 ka napatay.

Wala pa matumod kon pila ang nasamaran kag missing matapos narumpag ang pila ka mga building bangod sa mabaskog nga linog.

Suno sa US Geological Survey, ang sentro sang linog yara sa San José del Palmar sa Chocó region nga may populasyon nga kapin 4,800 ka tawo.

Ang lugar nahamtang mga 400 kilometros sa nakatundan sang Bogotá, kapital sang Colombia.