Naglab-ot na sa 30 ang napatay sa magnitude 7.1 nga linog nga nag-igo sa Kumamoto Prefecture sa southwestern Japan.
Suno kay Japanese Prime Minister Sanae Takaichi, nagapadayon ang search and rescue operations para sa mga posible survivors kasunod sang linog nga nag-igo sa Kyushu Island sang Hulyo 28.
Kalabanan sa mga napatay ang mga Japanese nationals, upod ang isa ka Vietnamese citizen, samtang 62 ka iban pa ang napilasan.
Nahibaluan nga ang pila sa mga biktima nagatrabaho sa Aeon shopping center sa Kashima, kon sa diin ang isa ka section sang building narumpag, nga ginsundan sang isa ka paglupok pagligad sang halos isa ka oras.
Samtang, 9,000 ka mga pumuluyo ang nagapabilin sa mga evacuation centers, kapin sa 30,000 ka mga panimalay ang wala sang kuryente, kag masobra naman sa 100 ka mga aftershocks ang narekord halin sang nag-igo ang nasambit nga linog.
