Nagsaka nasa 18 ang numero sang mga napatay satamng 12 ka iban pa ang nagapabilin nga missing bangud sa gintingob nga epekto sang mabaskog nga hangin habagat kag Bagyo Inday.
Suno sa Office of Civil Defense (OCD), masobra 123,000 ka mga pamilya ukon 562,000 ka mga indibidwal ang apektado sang mabaskog nga pag-ulan, pagbaha kag landslides sa nagkalain-lain nga bahin sang pungsod.
Kapin sa 4,200 naman ka mga pamilya ang temporaryo nga nagatinir sa 116 ka mga evacuation centers samtang naglab-ot na sa P28.57 million ang kantidad sang ayuda sang gobyerno nga napanagtag.
Padayon pa ang pagpatigayon sang search and rescue and relief operations sang mga otoridad kadungan sang panawagan sa publiko nga magpabilin nga mabinantayon kag magsunod sa mga paandam.
