Naglab-ot na sa 44 ang patay sa sunog sa apartment complex sa bahin sang Wang Fuk Court sa bahin sang Hongkong kag masobra 270 ka mga indibidwal padayon nga ginapangita .
Sa interview sang Bombo Radyo kay Hongkong Correspondent Virginia Banate, iya ginpahayag nga nakibot ini sang makita ang madakmol nga aso nagikan sa lugar.
Suno kay Banate, naglab-ot sa level 5 ang sunog pag-abot sang las 6 sang gab-I kahapon nga adlaw bangud nagdaku pa gid ang sunog.
Pahayag pa niya, padayon ang imbestigasyon sa ginhalinan sang nasambit nga sunog apang may yara sang tatlo ka indibidwal ang gindakup matapos gina-alegar may kaangtanan sa sunog.
Dugang pa niya, nagpapanaog man sang advisory nga mag-evacuate ang mga malapit sa lugar kag ginabawalan ang pagpalapit samtang padayon ang pagpalong sang kalayo.
Nagpanawagan man ang natungdan sa iya sini pamilya sa Pilipinas nga indi magkabalaka bangud yara siya sa hilway nga kahimtangan.
