Mas manubo ang nabalhag nga numero sang mga pasahero nga nag-abot sa Culasi Port kumparar sang nanligad nga tuig sa kapareho nga adlaw.
Ini ang ginpahayag ni Philippine Coast Guard (PCG) Capiz Station Commander Edison Diaz sang mainterview sang Bombo Radyo.
Suno diri, ikumparar sa nakaligad nga tuig ang data sini sadtong 2023 sa kapareho nga adlaw yara sa 2507 nagnubo ini sa subong nga tuig nga may yara sang 2185 kag ginalauman pa sa nahabilin nga mga inadlaw sa pagsug-alaw sang bag-ong tuig ang mga pasahero.
Ginatan-aw nga rason sang malaka nga mga pasahero nga naga-abot sa pantalan amo ang early booking sa eroplano kag roro bus bangud mas bintaha ini para sa mga pasahero nga madul-ong sila sa ila mismo lugar.
Samtang, all set ang mga uniform personnel especially ang mga katapo sang Philippine Coast Guard sa tanan nga mga areas ilabi na ang mga pantalan kag coastal areas para sa malinong kag matawhay nga pagsug-alaw sang bag-ong tuig.
Wala naman suno sang mga narekober ukon nakumpiskar nga mga ginadumilian nga butang kasubong sang mga hinganiban ukon matalom nga bagay sa mga pasahero.
Sa pihak sini, mas ginpasangkad pa sang PCG ang monitoring kag inspection sa mga cargo vessels nga naga-abot sa pantalan agud masiguro nga safe ang mga pasahero kag malikawan ang pagsulod sang mga kontrabando.
