Numero sang napatay sa makahalalit nga linog sa Cebu, nagsaka na sa 63 – DOH

Nagdangat na 63 ang death toll sa makahalalit nga linog nga nag-igo sa syudad sang Cebu nga nagtuga man sang daku nga kahalitan sa syudad sang Bogo.

Ini nga datus ang base man sa data nga ginpaguwa sang Department of Health.

Ang pahayag, ginhimo ni Health Secretary Ted Herbosa samtang yara ini sa deliberasyon sang Senate Committee on Finance sa ila ginaproponer nga badget para sa masunod nga tuig.

Suno sa iya, ginhambalan siya nga indi magnubo sa 63 ang death toll sa nasambit nga linog.

Ginpasalig man sini nga sabton sang Philhealth ang gasto sa ospital sang mga nasamaran bangud sang linog.