Nagdangat na sa anum ang napatay sa pag-arado sang truck sa isa ka barangay gymnasium sa Davao City samtang may ginahiwat nga seminar.
Sandig sa impormasyon sang mga kapulisan, ang truck nga gikan sa Bukidnon ang ginaalegar nadulaan sang preno kag naglupok ang goma kag nagbunggo sa gymnasium sang Barangay Marilog Proper sang nasambit nga syudad.
Bangud sa kabaskog sang pagkabunggo, nahalitan ang bahin sang gymnasium, isa ka waiting shed, kag pila ka naka-park nga motorsiklo.
Lakip sa mga napatay amo ang isa ka barangay tanod nga nagatambong sa seminar, ang iya asawa, kag ang driver sang trak kag ang iya duha ka mga kaupdanan.
Gintinguhaan pa nga dal-on sa oppital ang anum apang ginbawian man sang kabuhi.
Samtang, ang anum ka iban pa ang pilason lakip na ang isa ka lalaki nga yara sa sulod sang gym sang natabo ang insidente.
Sa subong, posible nga pasakaan sang kaso ang truck operator bangud sa nagluntad nga insidente.
