Patay ang isa ka nurse, matapos ginapahayag gin-ayad buno sang pasyente sa Tagbilaran City.
Ginkilala ang biktima kay alyas “Marie”, 51-anyos kag residente sang Barangay Dao, Tagbilaran City samtang ang suspek ang ginkilala kay Marlito Linguis, 31-anyos kag residente naman sang Barangay Magsaysay sa amu nga lugar.
Sa impormasyon nga nagikan sa Tagbilaran City Police Station, ginapahayag nga sadtong Huwebes kung sa diin malapit nalang nga makaguha sa ospital ang suspek hinali na lamang ini nga nagkuha sang gunting kag wala sang kaluoy nga gin-ayad sang buno ang biktima.
Bangud sini, nag-angkon sang pilas sa dughan, kag liog ang biktima.
Nag-angkon man sang pilas sa tiyan ang utility worker nga ginkilala kay Francis Justiniare, 21-anyos.
Mahibaluan nga isa sa mga drug targets sa lugar ang suspek kag yara sa idalum sang Oplan Tokhang” sadtong 2016.
Sa karun, ginapreparar na sang kapulisan ang kaso nga murder batuk sa nasambit nga suspek.
