Magluto ka sang utanon, pabor ka bala nga overcooked ini ukon raw?
Suno kay Shayna Komar, licensed kag registered dietitian sa Thomas F. Chapman Family Cancer Wellness sa Italya, tuman ka dako ang bentaha sa ikaayong lawas kun raw ukon hilaw nga kaunon ang paborito naton nga utanon.
Ang raw vegetables ang manggaranon sa enzymes, vitamins kag minerals nga kinahanglan sang lawas agud malikawan ang nanuhay-tuhay nga bacteria ukon virus nga nagaresulta sa mga balatian.
Pahayag sang dietician, nagakadula ang water-soluble vitamin B kag vitamin C sang mga utanon kun masobrahan ini ka luto rason nga mas bentaha nga laga-on ukon lutuon lang ini nga wala sang buttery sauces kag mantika.
Kun masobrahan man sa asin, kalamay kag saturated fats ang aton linuto nga utan, dako ang risgo nga makaangkon ang isa ka indibidwal sang inflammation sa blood vessels kag cardiovascular disease.
Dugang pa ni Komar, kun luyag sang isa ka indibidwal nga buhinan ang iya kabug-aton, dako man ang mabulig sang pagkaon sang hilaw nga utanon bangud manubo ang calories sang raw vegtables kag mataas ang fiber content.
