ROXAS CITY – Malipayon ang tagdaug sang Obra maestra challenge sang Buena Mano Salvo Year 15 matapos nga ila na mabaton ang nadag-an nga cash prizes.
Suno kay Benjie Catalan sang Sapian, Capiz grand prize winner sang P3,000 nga cash, ginpangabudlayan sini ang product design nga apron sa diin gingamit sini nga materyales ang empty pouch sang Silver Swan Soy Sauce kag Sukang Puti.
Nagayuhum man nga nagpauli ang tatlo ka mga consolation prize winners sang tag P1,500 nga sanday Fatima Zaldivar, Anunsacion Almonguera kag Jenny Casabon.
Ginpahayag ni Anunsacion Almonguera nga malipayon gid ini sang nahibaluan nga isa sa apat ka mga tagdaug ang ginpadala nga disenyo.
Nahibaluan nga naghimo kag nagdisenyo sang bag ang tatlo ka mga consolation prize winners.
