Nagapreparar na ang Office of Civil Defense ukon OCD Region 6 sa posible nga epekto sang El Niño sa Western Visayas.
Sa interview sang Bombo Radyo kay Mr. Raul Fernandez, Regional Director sang Office of Civil Defense Region 6, iya ginpahayag nga importante ang temprano nga pagpreparar kag padayon nga koordinasyon sang OCD sa mga Local Government Unit ukon LGU agud matumod ang mga lugar nga posible maka-eksperyensya sang epekto sang mabaskog nga tag-ilinit kag kakulangan sa tubig.
Suno kay Fernandez, padayon nila nga ginapaandaman ang mga LGU nga maghanda sang mga kinahanglanon nga tikang kag resources, ilabi na sa mga lugar nga posible magresulta sang kakulang sa tubig ukon water shortage kag epekto sa agrikultura.
Samtang, ginapaandaman man ang publiko nga magtipid kag maggamit sing husto sang tubig, ilabi na kung magdugay ang tig-ilinit.
