Ginaduso sang Office of Civil Defense (OCD) ang pagtukod sang centralized national 911 system.
Sa idalum sang nasambit nga sistema, plano nga tingubon ang ginahimu nga paghatag pagtamud sa nagkalain lain nga ahensiya sang gobyerno sa mga krimen kag mga kalamidad.
Suno kay OCD Administrator Undersecretary Ariel Nepomuceno, una na nila nga napag-istoryahan ni Department of the Interior and Local Government (DILG) Secretary Jonvic Remulla ang nahanungod sini sa tinutuyo mapanami ang koordinasyon sa tunga sang mga ahensiya sang gobyerno, kalakip na ang response time sa anuman nga problema.
Sa inisyal nga plano, ginpahayag ni Nepumuceno nga mahimu tingubon na ang tanan nga sistema kag protocol nga yara sa crime emergency kag disaster emergency response, magabug-os sang isa ka national protocol nga magamit, kag amo ang sundpn para sa episyente nga aksyon.
