-- ADVERTISEMENT --
Nagpahanumdom ang Office of Civil Defense (OCD) Western Visayas sa publiko nga mangin alerto kag indi magpanic kun makaeksperyensya sang linog.
Kasunod ini sang sunod-sunod nga pagtay-og nga na-record sa Anini-y, Antique humalin kagab-i, nga nabatyagan man sa nagkalain-lain nga bahin sang Iloilo kag kaiping nga mga lugar.
Nagpanugyan ang OCD sa mga pumuluyo nga sundon ang “Duck, Cover, and Hold” sa tion sang linog kag magpabilin nga kalmado agud malikawan ang mga aksidente kag kasamaran.
Naghingyo man ang ahensya sa publiko nga magpamati lang sa opisyal nga impormasyon gikan sa mga natungdan nga ahensya kag mangin preparado sa posible aftershocks.
