Office of Civil Defense, naka-alerto sa possible epekto sang habagat kag tatlo ka bagyo nga yara sa gwa sang PAR

Naka-alerto ang Office of Civil Defense (OCD) sa posible nga epekto sang mabaskog nga Habagat kag tatlo ka bagyo nga yara sa gwa sang Philippine Area of Responsibility.

Bangud sini padayon ang pagpanghanda sang ahensya  kaupod ang mga local government unit sa mga lugar nga posible maapektuhan sang malain nga tyempo.

Suno kay OCD Assistant Secretary Bernardo Rafaelito Alejandro IV, nagsugod ang mabaskog nga ulan bangud sang Habagat sang Lunes kag posible magapadayon tubtob Huwebes ukon Biyernes.

Nakahanda naman ang mga response team kag relief supplies para sa madasig nga pagresponde sa mga apektado.