Office of the Ombudsman, ginmanduan sanday Senators Cayetano kag Padilla nga magsumite sang sabat sa reklamo may kaangtanan sa nagluntad nga kinagamo sa Senado kag pagpalagyo ni Senator Bato Dela Rosa

Ginmanduan sang Office of the Ombudsman sanday Senators Alan Peter Cayetano kag Robin Padilla nga isumite ang ila sabat sa obstruction of justice complaints nga ginpasaka batuk sa ila.

Suno sa legal Representative ni Kiko Dee, ang reklamo ang may kaangtanan sa kinagamo nga nagluntad sa Senado nga ginpahayag nakabulig kay Sen. Ronald dela Rosa nga makalikaw sa legal custody.

Nasaad sa reklamo nga ang natabo sa Senado ang ginpahayag naghatag sang kahigayunan kay Dela Rosa nga makapalagyo sa mga otoridad.

Sa subong, wala pa sang opisyal nga pahayag sanday Cayetano kag Padilla angut sa nasambit nga reklamo samtang nagapadayon ang pagrepaso sang Ombudsman sa kaso.