ROXAS CITY – Ginkilala bilang Best Provincial Office 2022 ang Office of the Provincial Director sang BFP-Capiz, sa ginhiwat nga 31st BFP Anniversary celebration, sa Centennial Hotel, Jaro, Iloilo City.
Sa interview sang Bombo Radyo kay Chief Inspector Jenny Mae Masip, Provincial Fire Director, ginpahayag sini nga dako ini nga kadungganan nga makilala sang region ang pagpursige kag sakripisyo sang mga bumbero diri sa Capiz sa pang-adlaw-adlaw nga pagtrabaho.
Nalipay man ini sa nasambit nga pagkilala bangud pinaka-una sini nga nahawidan bilang provincial director ang probinsya sang Capiz.
Personal sini nga ginbaton kaupod si Senior Inspector Jesus Valenzuela, City Fire Marshal matapos nga ginkilala man ang Roxas City Fire Station bilang Best City Fire Station of the Year 2022.
Samtang, Special Awardee man si Ms. Quenie B. Pacis sa Best Documentary Film sang Apoy at Lente Season 2.
Nagpasalamat man ini sa kooperasyon sang LGU, BFP-Capiz kag sang pumuluyo, nga nangin parte man agud maangkon ang nasambit nga pagkilala.
