Indi pa matul-id kun ano ang rason sang pagkapatay sang isa ka babaye nga Overseas Filipino Worker nga nadulaan sang kabuhi sa sulod sang bus padulong sa Dumaguete.
Ginaalegar nga halin sa Japan si Wilma Auza bangud sa nakit-an nga plane ticket sini halin Nagoya, Japan padulong sa Manila kag Manila padulong sa Cebu.
Apang nakita man ang iya Identification Card halin sa Kuwait nga posible ginhalinan gid sang OFW kag may yara lang sang connecting flights sa Japan padulong sa Pilipinas.
Suno sa pasahero, ginbuligan pa niya ang biktima bangud nagareklamo ini nga nagalingin ang iya ulo.
Apang matapos ginpasimhot sang ointment, gilayon nga nagsuka si Auza.
Na-obserbahan sang pasahero nga gilayon na lang nga nagtakilid ang biktima.
Ginpukaw pa siya sang konduktor agud mahatagan sang ticket kuntani apang wala ini nagamuklat nga sa pagdumdom, nagakatulog lamang ini.
Apang sang ginpwersa nga pukawon ang biktima kag gin-check ang pulso, wala ini nagaginhawa pa.
PHOTOS FROM JEPOY ZERIMAR
