OFW nga Marino, nagapadayon sang pagbulong sa Oman matapos madalahig sa Hormuz Drone Attack

MANILA, Philippines – Nagapabilin sa Oman ang isa ka Filipino seafarer nga nasamaran sa drone attack sa MV San Antonio sa Strait of Hormuz sang nagligad nga bulan agud magpadayon sang iya medikal nga bulong.

Suno sa Philippine Embassy sa Muscat, padayon nga ginahatagan sang bulig ang seafarer sang Migrant Workers Office kag Overseas Workers Welfare Administration “OWWA”, -Muscat.

Samtang, duha naman sa pito ka nasamaran nga Filipino seafarers ang nakapauli na sa Pilipinas para sa padayon nga pagpabulong kag pag-ayo.

Nahibaluan ang insidente natabo sang Mayo 5 sang matapos maigo sang drone attack ang Malta-flagged nga container vessel MV San Antonio samtang nagalabay sa Strait of Hormuz tunga sang nagataas nga tensyon sa Middle East.