OFW sa Cyprus gintadlong ang nauna nga report nga may napatay nga pinoy bangud sa COVID-19

ROXAS CITY – Gin-athag karon sang isa ka Capizeña nga nagatrabaho sa Cyprus nga napatay ang duha ka mga OFWs bangud sa ila ginasuprer nga balatian kag indi bangud sa coronavirus disease 2019 ukon COVID-19.

Ginpahayag ni Claire Asis nga na-comatose ang isa ka pinay antes napatay samtang balatian sa korason ang ginkamatay sang isa pa ka OFW sa nasambit nga pungsod.

Nakarecover naman ang isa ka seafarer nga ginasiling nagpositibo sa COVID-19.

Nagapangayo man sang pasaylo si Asis sa Filipino community sa Cyprus sa natuga nga alarma sang ginbuy-an nga pahayag sa Bombo Radyo.

Nagpangayo man ini sang paghangup sa mga Pinoy sa Cyprus kag nagalaum nga maintiendihan sa iya nangin kasaypanan.