Mahimo pa nga makapa-rehistro ang mga Overseas Filipino Workers (OFWs) kag seafarers nga residente sang Roxas City agud sila ang mabakunahan.
Ginpahayag ni Mr. Ronald Amigo, Assistant Department Head sang Roxas City government nga apisar tapos na ang pre-registration para sa mga OFWs kag seafarers kag nakapatigayon na sang pagbakuna apang padayon sila nga magabaton pananglitan may OFW kag seaman nga magaparehistro.
Suno kay Amigo nga sang damlag lang may 5,100 doses sang Johnson and Johnson vaccine nga nabaton ang Roxas City government.
Nag-alokar sang 500 slots para sa mga OFWs kag seafarers ang gobyerno sang syudad, apang masobra sa nasambit nga numero ang nagpa-rehistro.
Apang bangud lakip sa A-I priority group ang mga OFWs kag seafarers prayoridad sila sa grupo sang mga indibidwal nga kinahanglan mabakunahan agud makabalik sila sa trabaho sa luwas sang pungsod.
