OIC-Chief sang RMPH, ipatawag sa sesyon sang SP agud pasabton sa reklamo natuhoy sa atrasado nga sweldo sang empleyado sang ospital

ROXAS CITY – Paga-imbitahan sa sesyon sang Sangguniang Panlalawigan ang OIC-Chief sang Roxas Memorial Provincial Hospital nga si Dr. Edmarie Tormon.

Ini agud pasabton natuhoy sa ginpalab-ot nga reklamo sang pila ka mga empleyado sang nasambit nga ospital may kahilabtanan sa ginapahayag atrasado nila nga sweldo.

Mahibaluan nga nakalab-ot sa provincial board nga halos tatlo na ka bulan nga wala makabaton sang ila nga sweldo ang pila ka empleyado sang ospital sa pihak sang bastante nga pondo nga ginpain para diri.