Gin-aresto sang mga otoridad sa Sri Lanka ang pila ka mga indibidwal bangud sa hoarding sang produktong petrolyo sa tunga sang kahadlok nga magkulang ang supply bangud sa tensyon sa Middle East.
Lakip sa mga insidente ang pagkadakop sang 46-anyos nga negosyante nga may dala nga 6,600 ka litro sang diesel kag 120 ka litro sang gasolina.
Sa syudad sang Hambantota, nadakpan ang isa ka lalaki matapos nakumpiska ang masobra 500 ka litro sang gasolina kag diesel sa iya balay.
Sa banwa sang Negombo, Puthukkudiyiruppu, kag Hingurakgoda, tatlo ka separado nga mga raid ang ginhimo nga nagresulta sa pagkumpiska sang masobra 1,000 ka litro sang diesel sa isa ka sakayan kag iban pa nga mga deposito sang Marso 26.
Ginpangunahan sang Walana Anti-Vice Squad ang mga operasyon kag iban pa nga mga unit sang kapulisan.
Nagpaandam naman ang mga otoridad sa Sri Lanka batok sa panic buying kag ilegal nga pagtago sang petrolyo, kasunod sang mga pagdumili sa pagbaligya sini sa mga botelya kag lata.
Sa subong, padayo naman ng imbestigasyon sa mga sirado nga gasolinahan nga ginapatihan nagatago man sang supply.
