-- ADVERTISEMENT --
Ipatuman buwas nga adlaw, Hunyo 9 ang pagsaka sang presyo sa mga produkto nga petrolyo.
Magasaka sang P0.60 kada litro sa gasolina, P0.30 sa kada litro sang kerosene kag P0.95 naman sa kada litro sang diesel.
Suno sa Department of Energy, pila sa mga nagapanguna nga factor nga nagaduso sa pagtaas sang presyo amo ang padayon nga tensyon sa tunga sang Russia kag Ukraine, isyu sa US-Iran Nuclear Deal, kag ang pagka-delay sa produksiyon sang langis sa Canada tuga sang mga wildfire.
Magluwas sini, gin-report nga mas daku kaysa ginalauman ang pagbuhin sa imbentaryo sang crude oil sa Estados Unidos, nga nagaapekto man sa presyo.
Padayon nga gina-monitor sang DOE ang sitwasyon kag ginaganyat ang publiko nga mangin maalam sa pagkonsumo sang enerhiya.
-- ADVERTISEMENT --
