Matapos ang duha ka asud-asod nga semana nga rollback, ginalauman nga liwat nga magataas ang presyo sang produktong petrolyo sa masunod nga semana, suno sa forecast sang oil industry sources.
Base sa apat ka adlaw nga trading data gikan sa Mean of Platts Singapore, posible nga magsaka sang P1.30 tubtob P1.50 kada litro ang presyo sang diesel, samtang P0.60 tubtob P0.80 kada litro naman ang posible nga dugang sa presyo sang gasolina.
Suno sa oil industry sources, isa sa mga rason sang ginalauman nga pagtaas amo ang negatibo nga panan-awan sa pangkalibutanon nga demand sa langis, nga tuga sang pamahog sa epekto sang ginapatuman nga US tariffs sa pangkalibutanon nga ekonomiya.
Kinaandan nga gina-anunsyo sang mga kumpanya sang langis ang opisyal nga presyo kada Lunes, nga gilayon naman nga ginapatuman pagka-sunod nga adlaw.
