Oil price rollback, lauman sa masunod nga semana – DOE

Lauman sa masunod nga semana ang oil price rollback sa mga kompanya sang langis.

Base sa ila datus sang una nga tatlo ka trading days, nagnubo ang presyo sang imported nga fuel bangud sa mahina nga demand kag ginakahadlukan nga recession sa madamo nga dalagko nga ekonomiya.

Posible nga magbuhin sang P2.88 ang presyo sa kada litro sang gasolina.

Samtang, ang diesel naman magabuhin sang P2.13 ang presyo sa kada litro kag kerosene nga may P2.43 ang rollback.

Isa sa nakita nga rason amu ang nagakatabo nga geopolitical tensiyon sa Middle East.