Padayon ang pagdominar sang Oklahoma City Thunder kontra sa Los Angeles Lakers matapos nila mapirde ang Lakers, 131-108, kag makuha ang 3-0 nga abanse sa Western Conference semifinals.
Nanguna si Ajay Mitchell para sa Thunder matapos makarekord sang career-high nga 24 points kag 10 assists, samtang nagdugang si Shai Gilgeous-Alexander sang 23 points kag siyam ka assists. Nakaambag man si Chet Holmgren sang 18 puntos kag siyam ka rebounds.
Bisan nagalamang ang Lakers sa first half, ginlampos sila sang Thunder sa ikaduha nga bahin sang duwa pinaagi sa 74-49 nga output. Nagsugod ang paglayo sang Oklahoma City sa third quarter matapos ang sunod-sunod nga dunk nila Isaiah Hartenstein kag Holmgren.
Sa bahin sang Lakers, nanguna si Rui Hachimura nga may 21 points kag lima ka tres, samtang nagdugang si LeBron James sang 19 points, walo ka assists kag anum ka rebounds. Si Austin Reaves naman nagtapos nga may 17 points kag siyam ka assists.
Padayon nga wala si Luka Doncic para sa Lakers bangud sang injury, samtang wala man si Jalen Williams sa Thunder. Sa karon, isa na lamang ka kadalag-an ang kinahanglan sang Oklahoma City agud makompleto ang sweep sa serye.
