Magabuligay si Olympic gold medalist Hidilyn Diaz kag ang mga ahensya sang gobyerno sa pagtukod sang pinakadako nga weightlifting academy sa pungsod.
Upod sa proyekto ang Philippine Sports Commission, Department of Education, kag Department of Budget and Management, nga may handum nga pabakuron ang mga programa sang sports sa mga eskwelahan sandig sa direktiba ni President Ferdinand Marcos Jr.
Ginpahayag ni Chairman Pato Gregorio sang Philippine Sports Commission nga si Diaz ang magapanguna sa pagtudlo sang weightlifting sa masobra 300 ka eskwelahan sa bug-os nga pungsod.
Ginsuportahan man sang Department of Budget and Management ang inisyatibo, nga may ginpa-in nga pondo nga P180 million para sa proyekto.
Tinutuyo sang programa nga mapatindog ang bag-o nga henerasyon sang mga atleta pinaagi sa HD Weightlifting Academy ni Diaz.
