Bombo Radyo, inspirasyon sang isang Capizeño bar passer

ROXAS CITY – Tuman ang pasalamat sang anay The Vote Volunteer reporter matapos nakapasar sa 2017 Bar Examinations.

Sa interview kay Atty Salvador Alba II, ginpahayag sini nga nangin inspirasyon sini ang public service nga ginahimo sang Bombo Radyo.

Gindayaw pa sini ang nasambit nga adbokasiya sang Bombo Radyo bangud madamo ini sang nabuligan nga tawo nga luyag man sini himuon bilang isa ka abogado.

Indi man matabo ang iya nga kakibot sang nalakip siya sa mga nakapasar sa nasambit nga pasinawan.

Ginpahayag sini nga madugay na niya ini nga handom nga mangin abogado bangud mataas ang iya nga panan-awan sa mga abogado ilabi na ang nagabulig sa mga kubos nga mga pumuluyo.