Ginbasura na sang Office of the Ombudsman ang mga administrative charges batuk kay anay Department of Health (DOH) Secretary Francisco Duque III natuhoy sa mga ginakwestyon nga pagbakal sang mga Covid-19 supplies kag Covid kits nga nagabalor sang P41 billion sang tuig 2020.
Ang mga kaso nga grave misconduct, conduct prejudicial to the best interest of the service kag gross neglect of duty nga ginpataw kay Duque sang Agosto subong nga tuig ang dalayon nga na-dismiss.
Ini matapos nga pasugtan sang Ombudsman ang motion for reconsideration ni Duque nga una na nga napatawan sang ahensya nga guilty ang anay opisyal kag isa pa nga kapwa akusado sini sang Mayo 6.
Bangud sini, dalayon nga ginsipa sa puwesto si Duque bilang DOH Secretary.
Ginkakasan man ini sang mga retirement benefits kag perpetually disqualified sa bisan ano nga government positions ukon trabaho.
Samtang, sang Agosto 5 nagpasugot na ang Ombudsman nga indi na ini pwede nga mangin subject sang administrative complaints bangud madugay na nga tapos ang termino sini bilang tiglikom sang ahensya.
