Liwat nga ginbuksan sang Office of the Ombudsman ang pampubliko nga access sa Statements of Assets, Liabilities, and Net Worth (SALNs) sang mga opisyal sang gobyerno, sandig sa bag-o nga memorandum nga ginpagwa sang Oktubre 14.
Suno kay Assistant Ombudsman Mico Clavano, katuyuan sang bag-o nga patakaran nga pabaskugon ang transparency kag pakigbatuan ang korapsyon. Indi na kinahanglan sang pahanugot halin sa opisyal para makuha ang ila nga SALN, bastante na ang pagpakita sang valid ID laman sang nagahingyo.
Sakop sang polisa ang SALNs sang presidente, bise presidente, mga lokal nga opisyal, kag mga opisyal sang Constitutional Commissions. Ginaabisuhan man ang iban nga sangay sang gobyerno kaangay sang Kongreso kag Judiciary nga i-angut ang ila nga mga patakaran.
May pila ka mga limitasyon sa gihapon sa pagpangayo sang SALN, ilabi na kun ini ang para sa sala nga pag-gamit, may pamahog sa seguridad, ukon lapaw sa layi. Ang pila ka mga sensitibo nga detalye ang taguon, agud nga maproteheran ang privacy ng mga opisyal.
Mangin epektibo ang bag-o nga patakaran makaligad ang 15 ka-adlaw umpisa sa petsa sang pag-guwa sini.
