Ginhatagan pagtamod sang Office of the Ombudsman nga indi ma-erase sang ‘recantation’ ang ebidensya sa mga kaso kaangot sa flood control batok kay former House speaker Martin Romualdez.
Suno kay Assistant Ombudsman Atty. Mico Clavano, indi ‘eraser’ ang pag-retract sang pahayag ukon pag-withdraw sang witness agud panason ang kamatuoran.
Ginkabig sini nga ‘misleading’ ang pahayag sang kampo ni Romualdez nga may epekto sa kaso ang recanting sang pila ka mga testigo.
Ginpanindugan ni Clavano, apisar may yara sang retraction sang narrative, magapabilin sa gihapon ang nauna nga testimonya.
Nahibaluan nga nagapangatubang si Romualdez sang reklamo sang plunder, direct bribery, graft kag money laundering sa Office of the Ombudsman may kaangtanan sa maanomaliya nga flood control projects.
