-- ADVERTISEMENT --
Gin-anunsyo sang Office of the Ombudsman nga plano sini nga magpasaka sa sang plunder case batok kay Senador Jinggoy Estrada sini nga semana may kaangtanan sa ginapahayag nga anomaliya sa flood control projects.
Suno kay Ombudsman Jesus Crispin Remulla, pirmahan niya ang kaso antes isumiter sa Sandiganbayan nga posible ma-file sa Huwebes nga adlaw.
Una na nga ginrekomendar sang Department of Justice ang pagpasaka sang kaso nga plunder, graft kag direct bribery batok kay Estrada kag iban pa nga opisyal lakip na si anay Department Public Works Secretary Manuel Bonoan.
Ginpahayag man ni Remulla nga naatrasar gamay ang kaso agud masiguro nga kompleto kag klaro ang mga dokumento antes isumiter sa korte.
