Sa pihak sang pagbawi ni Orly Guteza, anay soldado nga nagsiling nga nag-deliver ini sang maleta nga may unod nga cash kay Rep. Martin Romualdez, nagpanindugan ang Office of the Ombudsman nga may yara sila sa gihapon sang 28 pa ka mga testigo nga may material information sa ginaalegar kaangtanan sang former House Speaker sa maanomaliya nga flood control projects.
Suno sa Ombudsman, indi na bag-o ang recantation sa mga hig-profile case kag wala nagalibot ang imbestigasyon sa isa lang ka testigo.
Nahibaluan nga may yara sang bag-o nga affidavit si Guteza nga nagasiling sanday Senator Rodante Marcoleta kag anay Congressman Mike Defensor ang nagpalapit sa iya kag maghimo sang akusasyon batuk kay Romualdez kabaylo sang kwarta kag scholarships para sa iya kabataan.
Nagpahayag naman ang kampo ni Romualdez nga maga-file sila sang supplemental counter-affidavit sa Office of the Ombudsman, nga may yara sang sworn statements halin sa 25 ka mga former drivers kag security aides ni former Ako Bicol party-list Rep. Zaldy Co.
Ilakip man sang kampo ang recantation ni Guteza.
