Naghingyo ang Office of the Ombudsman sa Senado nga ihatag ang kopya sang CCTV footage may kaangtanan sa shooting incident nga natabo sang Mayo 13 sa sulod sang Senate building.
Suno kay Ombudsman Jesus Crispin Remulla, kabahin ini sang separado nga imbestigasyon sang iya talatapan agud mahibaluan ang bug-os nga sirkumstansya sang insidente.
Nagahingyo man ang Ombudsman sang video footage nga nakuha sang pila ka mga media personnel sa tion sang shooting incident.
Nagalaum si Remulla nga wala sang cover-up nga matabo sa nasambit nga kaso.
Matandaan una na nga gin-ako ni Acting Senate Sergeant-at-Arms Mao Ranada Aplasca nga nagpalupok siya sang warning shot matapos ginpahayag ginkumpirmar ang presensya sang mga operatiba sang National Bureau of Investigation (NBI) sa GSIS wing sang Senado.
Apang gin-athag ni NBI Director Melvin Matibag nga wala sila sang personnel sa sulod sang Senado sang natabo ang insidente.
Nahibaluan man nga sanday Aplasca kag Senador Ronald “Bato” dela Rosa lunsay miyembro sang Philippine Military Academy (PMA) Sinagtala Class of 1986.
