Naghingyo ang Office of the Ombudsman sang precautionary hold departure order batuk kay Senador Chiz Escudero kag sa negosyante nga si Maynard Ngu kaangot sang imbestigasyon sa ginaalegar anomaliya sa flood control projects.
Na-raffle na sa Sixth Division sang Sandiganbayan ang nasambit nga hingyo.
Nahibaluan nga ang duha ka mga persona ang nagapangatubang sa reklamo nga plunder, graft, kag bribery may kaangtanan sang multi-billion peso flood control program.
Base sa report sang Commission on Audit sang 2025, natumod ang ginaalegar overpriced kag delayed na mga proyekto nga ginasiling nakaapekto sa paglala sang pagbaha sa pila ka mga lugar.
Padayon ang imbestigasyon agud matumod ang posible nga direkta nga partisipasyon sang mga nasambit nga personalidad, samtang ginpanindugan sang Ombudsman nga importante ang travel ban agud masigurado ang ila nga presensya sa mga hearing.
