Ginpasibangdan ni Ombudsman Jesus Crispin Remulla ang kampo ni Leyte Representative kag former House Speaker Martin Romualdez nga amo ang sa likod sang recantation sang apat ka mga former bodyguard sang mamalidha nga naangot sa flood control anomalies.
Suno kay Remulla, si Romualdez ang posible makabenepisyo sa pag-recant sang mga anay bodyguards.
Nagsabat naman si Romualdez kag ginpanginwala nga indi matuod ang akusasyon sang Ombudsman sa iya.
Pahayag pa ni Romualdez, nagapakita lamang ini nga indi patas ang pagtrato ni Remulla batok sa iya kag ginapahayag sini nga ang mga alegasyon batok sa iya wala sang factual basis.
Nahibaluan nga gina-imbestigaran na sang Ombudsman si Romualdez sa plunder, graft, kag direct bribery may kaangtanan sa ginaalegar maanomaliya sa flood control projects.
