Ginpakigbahin ni Ombudsman Jesus Crispin ‘Boying’ Remulla nga plano niya bilang tanod sang pungsod nga usisaon ang kinaandan na nga pagsinalayo sa Department of Public Works and Highways.
Suno sa iya, hugot nga ginpamatukan ang naandan na nga korapsyon sa nasambit nga ahensya kun sa diin ginsiling sini nga diri nagasulod ang obligasyon sang Ombudsman nga imbestigaran ang kun ano man nga isyu sang korapsyon sa gobyerno.
Dugang pa Ombudsman Remulla, kinahanglan nga dalayon na nga tapuson ang korapsyon nga kaangay ginbaton nalang bilang kinaandan sang ahensya.
Kasunod ang pahayag sa nabaton sini nga impormasyon nga indi lamang kontratista ukon opisyal ang nagapanginpulos sa flood control projects anomaly kundi pati man ang mga ‘losing bidders’.
Bangud sini, ginsiling ni Ombudsman Boying Remulla nga ipa-usisa niya ang ginapahayag pattern sa bidding process sang mga proyekto sang gobyerno ilabi na sa isyu sang flood control.
Suno sa iya, magapakig-angot siya sa Philippine Government Electronic Procurement System agud nga ukayon sa files sini ang mga regular sang losing bidders sa mga proyekto.
Nagapati ang nasambit nga Ombudsman nga lapaw ini sa mandato sang saligang batas sa masami nga bid rigging ukon manipulasyon kag sabwatan sa bidding process sang flood control projects.
