Nagpakigbahin sang ila kadalag-an ang One Capiz DanceSport Team sa ginhiwat nga Palarong Pambansa 2026 sa Agusan del Sur.
Sa interview sang Bombo Radyo kay John Anthony Arcete, Head Coach sang One Capiz Dancesport Team, iya ginpahayag nga tuman gid ang iya kalipay sa nakuha nga kadalag-an sang iya nga team sa nasambit nga kompetisyon.
Suno kay Arcete, apisar nga may pila ka mga kabudlayan nga naagyan nga malab-ot ang kadalag-an daku gid ang iya pagpasalamat nga nakaya sang iya team.
Sa padayon nga pagtimakas, natigayon nga makuha nanday Mel John Ruado kag Justine Faye Besana ang bronze medal para sa dancesport competition.
Pahayag pa ni Arcete, daku ang ila pagpasalamat sa suporta sang pamilya, eskwelahan kag local nga komunidad nga naghatag sang inspirasyon kag kusog sa pag-preparar sa prestigious nga sporting event.
Dugang pa sang natungdan, ila nga pagadal-on ang once in a lifetime experience nga ila nga naagyan sa Palarong Pambansa 2026 nga puno sang kalipay kag paglaum.
