-- ADVERTISEMENT --
Nagalaom ang One Capiz Dancesport Team nga mapabilin ang Western Visayas sa Top 3 sa overall medal tally sa nagapadayon nga Palarong Pambansa 2026.
Sa interview sang Bombo Radyo kay John Anthony Arcete, head coach sang One Capiz Dancesport Team, iya ginpahayag nga dako ang iya pagsalig nga indi magpanaug ang rehiyon sa top ranking bangud madamo pa sang mga maayo nga atleta ang magahampang.
Suno pa sa iya, kinahanglan nga padayon ang maayo nga kondisyon kag preparasyon sang mga atleta agud mahatag nila ang ila pinakamaayo nga performance.
Base naman sa partial kag unofficial medal tally, may yara na sang 7 ka gold, 5 ka silver, kag 6 ka bronze medal ang Western Visayas.
