Nangin madinalag-on ang One Capiz Dancesport Team sa ginhiwat nga Philippine Dancesport Federation Inc. Kicks Off 2026 (PDFI) sa 1st Quarter National Dancesport Championship sa Rizal Memorial Sports Complex Malate, Manila.
Sa interview sang Bombo Radyo kay John Anthony Arcete, Head Coach sang One Capiz Dancesport Team, iya ginpahayag nga ang nasambit nga kompetisyon ang ginpasakupan sang nagkalain-lain nga mga eskwelahan
Suno kay Arcete, ang pinakamabudlay nga parte sang paghanas amo ang mental fatigue nga naghatag sang daku nga challenge sa konsentrasyon kag koordinasyon.
Sa padayon nga pagtimakas, natigayon nga makuha nanday Mel John Ruado kag Faye Besana sang Capiz National High School sa Inter-high school C&A Standard sang gold kag bronze, Yllana Isabelle Dadivas sang President Manuel Roxas Memorial Integrated School-SPED sa solo junior waltz, tango,quickstep sang tripple gold, Rainer Bargo sang Capiz National High School sa junior solo sa waltz, tango, quickstep kag C Standard sang double bronze, 4th placer, gold kag si Angel Bayhon sang Banica Elementary School sa Juvenile solo jive nagdaog sang 6th placer out of 69 ka participants.
Pahayag ni Arcete, daku ang ila pagpasalamat sa suporta sang pamilya, eskwelahan kag local nga komunidad nga naghatag sang inspirasyon kag kusog sa pag-preparar.
Dugang pa sang natungdan, padayon ang ila nga pagpanghanda para sa mga masunod pa nga mga kompetisyon.
