Ginpahayag sang Philippine National Police ukon PNP nga mahimo nila magamit ang posible nga online participation ni Senador Ronald “Bato” dela Rosa sa mga session sang Senado agud matultulan ang iya lokasyon.
Ini kasunod sang proposal nga bag-uhon ang rules sang Senado agud pahanugutan ang mga senador nga makatambong kag makaboto online paagi sa video conferencing.
Suno sa PNP, kon aprobahan ang online participation, tinguhaan nila nga mahibaluan kun diin nagapuyo ukon nagatiner ang senador paagi sa teleconferencing platform nga gamiton.
Sa subong padayon nga ginapangita si dela Rosa may kaangtanan sa kaso sa International Criminal Court ukon ICC natuhoy sa gin-aalegar crimes against humanity nga konektado sa war on drugs sang nagligad nga administrasyon ni Rodrigo Duterte
