ROXAS CITY-Ginaduso ni City Councilor Trina Marie Almalbis-Ignacio ang isa ka resolusyon natuhoy sa online reporting sa mga menor de-edad nga na-biktima sang pagpangmolestiya.
Sa priviledge speech sini sa session kahapon, ginpahayag sini nga kinahanglan nga may yara sang online reporting para sa mga kabataan nga biktima sang pagpangmolestiya agud madasig nga makalab-ut sa mga otoridad.
Aminado si Ignacio nga may yara na sang nagakaigo nga serbisyo ang DSWD natuhoy sini apang luyag ni Ignacio nga ipaagi sa online agud mas madasig ang pagpalab-ut sang mga impormasyon.
Nagalaum naman si Ignacio nga mapapasar sa City Council ang nasambit nga resolusyon.
Mahibaluan nga may yara na sang masobra 90 ka mga kaso sang pagmolestiya ang napagkit sa siyudad humalin sang bulan sang Enero.
