-- ADVERTISEMENT --
ROXAS CITY – Arestado ang isa ka online seller sa ginkasa nga drug buybust operation sang mga katapo sang Provincial Drug Enforcement Unit sang Capiz Police Provincial Office sa Barangay Cagay, Roxas City.
Ginkilala ang naaresto nga si Sorabel Aporta, 40 anyos, residente sang nasambit man nga lugar.
Narekober sa suspek ang 25 sachets sang shabu, P500 nga buybust money, P5000 nga boodle money, cellphone, tatlo ka mga wallets kag P496 nga personal sini nga kwarta.
Sa karon, nakaaresto na sa Roxas City Police Station si Aporta kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
