Gin-athag sang Malacañang ang isyu sa online voting sa Senado nga daw kaangay nga nagapakita kun sin-o nga mga senador ang nagaserbisyo gid sa pumuluyo kag kun sin-o ang naga-una sang ila personal nga interest.
Ini kasunod man sang pag-walk out sang minority bloc bilang protesta sa proposal nga pahanugutan ang online voting sa Senado bisan wala ang personal nga senador.
Suno naman kay Palace Press Officer Claire Castro, may yara na sang rules sa Senado apang may mga senador nga gusto bag-uhon ini.
Ginsambit man ni Castro ang pahayag ni Senador Alan Peter Cayetano nga may rason si Senador Ronald “Bato” dela Rosa nga indi magsulod sa Senado bangud nahadlok ini nga madakpan.
Dugang pa sini nga mahimo magamit ang online voting sang mga opisyal nga may kaso agud malikawan ang mga otoridad.
Ginpaathag sang Malacañang nga wala nagapanginlabot si Presidente Ferdinand Marcos Jr. sa isyu bangud separado ang trabaho kag responsibilidad sang Malacañang kag Senado.
