Nangin magarbo ang opening ceremony sang 2024 Paralympic Games sa Paris.
Ito ang labing-una nga Paralympic Games nga ginhiwat sa Paris.
Yara sa 4,400 nga atleta nagikan sa nagkalin-lain nga pungsod ang nagpasakop sa 22 ka sports.
Nakigbahin sa parada ang 168 delegasyon sa kilala nga Place de la Concorde kag Champs-Elysees sa atubang sang linibo ka mga tumalan-aw.
Sa una nga bahin sang parade, nakit-an ang Phryge taxi nga ginmaneho ni French Paralympic hero Theo Curin.
Ang pula nga kotse nga ginmaneho sang French Paralympic swimmer nga napalibutan sang mga Paralympic mascots.
Naghinugyaw ang mga audience sang nagsulod na ang Refugee Paralympic Team sa Place de la Concord nga ginpangunahan sang flagbearer Guillaume Junior Atangana.
Ang RPT ang ginbug-usan sang walo nga atleta nga magapasakop sa anom nga sports nga ginakalakipan sang Para athletics, powerlifting, table tennis, taekwondo, triathlon kag wheelchair fencing.
Ginpatukar sang DJ ang electronic music kun sa diin nangin madinuagon ang parada bangud sa mga magarbo nga ginasuksok sang mga nagpasakop.
May ara man sang airshow ang fighter jet sang France kun sa diin nagbuga pa ini sang aso nga may duag sang hayahay sang nasambit nga host country.
